تو کہے تو میں تیری آنکھوں میں ڈوب جاؤں

 تو کہے تو

تُو کہے تو

میں تیری آنکھوں میں

ڈوب جاؤں صنم سدا کے لیے

تیری آنکھوں کے گہرے ساگر میں

تیرنا مجھ کو اچھا لگتا ہے

تُو کہے تو

میں تیری سانسوں میں

کسی جانب بھی چُھپ کر بیٹھ رہوں

تیری سانسوں کی خُشبوئیں اے دوست

میرے دل کو بہت لبھاتی ہیں

تُو کہے تو

میں تیری دھڑکن میں

بس دھڑکتی رہوں سدا کے لیے

کیوں، تِرے دل کی دھڑکنیں میری

دھڑکنوں کو ثبات دیتی ہیں

مجھ کو اِذنِ حیات دیتی ہیں

راشدہ حیدر رشی