یہ دل میرا اداس ہے تجھ کو پتہ تو ہے

 یہ دل میرا اُداس ہے تجھ کو پتہ تو ہے

لیکن تُو آس پاس ہے تجھ کو پتہ تو ہے

پہلی صفیں اور مسندیں ہوتی ہیں کس لیے

تُو بھی تو خاص الخاص ہے تجھ کو پتہ تو ہے

مُہرے بدل بدل کر پھر ڈوریاں ہلانا

یہ مشغلے ہیں کس کے تجھ کو پتہ تو ہے

تم سے بچھڑ کے کیسی گُزاری ہے زندگی

بنتا نہیں یہ کہنا کہ تجھ کو پتہ تو ہے

وعدوں سے پِھِر کےعشق کو متروک کر دیا

مُرتد کا کیا مقام ہے تجھ کو پتہ تو ہے

یادوں کی سبز بیلیں کسی سے لِپٹ گئیں

سُوکھا شجر کیوں بچ گیا تجھ کو پتہ تو ہے

شعروں کو کیا پرکھنا عُہدوں کو سامنے رکھ

دینا ہے داد کس کو تجھ کو پتہ تو ہے

اُف آبنائے وصل کی بندش کے مضمرات؟

اس کاروبارِ عشق کا تجھ کو پتہ تو ہے

ریحان علوی