رخ سبھی وفاؤں کا جانب اس کی موڑ دے

 رُخ سبھی وفاؤں کا جانب اس کی موڑ دے

غیر کا جو رستہ ہے اس کو آج چھوڑ دے

عشق میں انا کا پاس جو ضرور رکھنا ہے

پھر یہ تیرے بس کا کام ہے نہیں یہ چھوڑ دے

آبرو رہی تِری اور وصل بھی نصیب

ہو تِرے نصیب میں یہ اُمید توڑ دے

وہ ہی قُرب پائے گا وہ ہی ہو گا بامُراد

دربدر کی چاکری جو ایک بار چھوڑ دے

عشق میں مؤحد ہو، شرک چھوڑ پیار میں

اب تمام تر اُمید اس کے در سے جوڑ دے

آشنا اسی سے ہو، گر فلاح چاہیے

اس سے سب اُمید رکھ، ماسوا کو چھوڑ دے

ساحر سلہری