عارفانہ کلام حمد نعت منقبت
گزرگاہ سرورﷺ مدینے کی گلیاں
ہے بہتر سے بہتر مدینے کی گلیاں
ادھر سے ہی گزرے ہیں آقاؐ ہمارے
ہے بُو سے معطر مدینے کی گلیاں
یقیناً ہے رشکِ قمر، رشکِ انجم
تمہارا مقدر مدینے کی گلیاں
بڑی حسرتوں سے مگر دیکھتے ہیں
تمہیں ماہ و اختر مدینے کی گلیاں
چلوں گا میں آنکھوں کے بل دیکھ لینا
مگر ہاں سنبھل کر مدینے کی گلیاں
مقدر سے جانا ہوا جب بھی رفعت
میں دیکھوں گا دن بھر مدینے کی گلیاں
رفعت برکاتی
No comments:
Post a Comment