ملاقات مری

ملاقات مری

ساری دیوار سیہ ہو گئی تا حلقۂ دام​

راستے بجھ گئے رخصت ہوئے رہگیر تمام​

اپنی تنہائی سے گویا ہوئی پھر رات مِری​

ہو نہ ہو آج پھر آئی ہے ملاقات مِری​

اک ہتھیلی پہ حِنا، ایک ہتھیلی پہ لُہو​

اک نظر زہر لئے، ایک نظر میں دارو​

دیر سے منزلِ دل میں کوئی آیا نہ گیا​

فرقتِ درد میں بے آب ہوا تختۂ داغ​

کس سے کہیے کہ بھرے رنگ سے زخموں کے ایاغ​

اور پھر خود ہی چلی آئی ملاقات مِری​

آشنا موت، جو دشمن بھی ہے غمخوار بھی ہے​

وہ جو ہم لوگوں کی قاتل بھی ہے دلدار بھی ہے​

فیض احمد فیض