نسیم صبح گلشن میں گلوں سے کھیلتی ہو گی

نسیمِ صبح گلشن میں گلوں سے کھیلتی ہو گی

کسی کی آخری ہچکی، کسی کی دل لگی ہو گی

تیرے قدموں پہ سر ہو گا قضا سر پہ کھڑی ہو گی

پھر اس سجدے کا کیا کہنا، انوکھی بندگی ہو گی

مزہ آ جائے گا محشر میں کچھ سننے سنانے کا

زباں تو میری ہو گی،۔ کہانی آپ کی ہو گی

بتا دوں گا سرِ محفل، دِکھا دوں گا سرِ محشر

وہ میرے سامنے ہونگے یہ دنیا دیکھتی ہو گی

تمہیں دانستہ محفل میں جو دیکھا ہو تو مجرم ہوں

نظر👁 آخر نظر ہے، بے ارادہ اٹھ گئی ہو گی

یہی عالم رہا پردہ👰 نشینی کا تو ظاہر ہے

خدائی آپ سے ہو گی نہ ہم سے بندگی ہو گی

تعجب کیا، لگی جو آگ اے سیماب سینے میں

ہزاروں دل میں انگارے بھرے تھے، لگ گئی ہو گی

سیماب اکبر آبادی