رنج کی چھاؤں ہے جنگل ہے خلا ہے مجھ میں
کارِ وحشت کے لیے موزوں جگہ ہے مجھ میں
سرد خانے میں کوئی زندہ بدن، مشکل ہے
ہاں اگر لاش ضرورت ہے تو آ، ہے مجھ میں
دل کے رستے میں کئی خون لگے نقشِ قدم
شور تھم جائے تو تصدیق کرا دیتا ہوں
میرے لاشے کے سوا کون پڑا ہے مجھ میں
کس کی درخواست پہ زنجیر زنی روکی گئی؟
کون سا وحشی بدن میرے سوا ہے مجھ میں؟
راستہ ملتا نہیں دوست کی ویرانی کو
دیکھ لیتا ہوں اگر خالی جگہ ہے مجھ میں
اسامہ خالد
No comments:
Post a Comment