وہ مرے اس قدر قریب ہوا​

وہ مِرے اس قدر قریب ہوا​

اس سے ملنا نہ پھر نصیب ہوا​

آپ سے اب کوئی ملال نہیں​

شکر ہے کچھ سکوں نصیب ہوا​

ہاتھ رکھتے ہی نبض پر میری​

کس قدر مضطرب طبیب ہوا​

دیکھ آیا ہے آج خود بھی انہیں​

آج کچھ "مطمئن" طبیب ہوا​

میں تو چپ ہی رہوں گا محشر میں​

وہ "پری" وش اگر قریب ہوا​

تجھ سے کیا چیز قیمتی ہوگی​؟

تُو تو پیارے مِرا حبیب ہوا​

پوجتی ہے عدم جسے دنیا​

کون اتنا بڑا "ادیب" ہوا​؟

دو ہی با ذوق آدمی ہیں عدم​

میں ہوا یا مِرا رقیب ہوا​

عبدالحمید عدم​