ایک بوسیده ٹشو پیپر پہ لکھى ہوئى نظم
حریمِ من
برہمن نام کی اونچی پہاڑی سے
محبت نام کا جھرنا نکلنے تک مجھے شودر سمجھنا
(اگرچہ میں تمہاری پاک مٹی سے بنا ہوں)
مجھے تصویر کر لینا
حنا کی انگلیوں پر پھوٹتے رنگوں سے
خود میں رنگ بھرنا مسکرانا اور مجھ کو سوچ لینا
بھول جانا
سوائے لمس
میں دنیا کے ہر جذبے کی خالص شکل میں تم کو ملوں گا
ڈھونڈنا
(تعویذ مت کرنا مجھے اپنے گلے کا)
ہمارے بیچ چھو لینے کی آسانی نہیں ہے
حریمِ جاں
میں ایک ایسا صحیفہ ہوں
جو اترا ہوں تمہارے پاک سینے میں
مجھے محسوس کرنا
ساحلی مٹی سے آدم ذات کی تخلیق ہونے تک
اسامہ خالد
حریمِ من
برہمن نام کی اونچی پہاڑی سے
محبت نام کا جھرنا نکلنے تک مجھے شودر سمجھنا
(اگرچہ میں تمہاری پاک مٹی سے بنا ہوں)
مجھے تصویر کر لینا
حنا کی انگلیوں پر پھوٹتے رنگوں سے
خود میں رنگ بھرنا مسکرانا اور مجھ کو سوچ لینا
بھول جانا
سوائے لمس
میں دنیا کے ہر جذبے کی خالص شکل میں تم کو ملوں گا
ڈھونڈنا
(تعویذ مت کرنا مجھے اپنے گلے کا)
ہمارے بیچ چھو لینے کی آسانی نہیں ہے
حریمِ جاں
میں ایک ایسا صحیفہ ہوں
جو اترا ہوں تمہارے پاک سینے میں
مجھے محسوس کرنا
ساحلی مٹی سے آدم ذات کی تخلیق ہونے تک
اسامہ خالد
No comments:
Post a Comment