آرام اک پل نہیں اے جاں تیرے بغیر

آرام اک پل نہیں اے جاں! تیرے بغیر

آ جا کہ زندگی ہے پریشاں تیرے بغیر

ساغر خاموش، جام تہی، مے کدہ اداس

سُونی پڑی ہے محفلِ رنداں تیرے بغیر

اس دل میں جل سکی نہ کوئی شمعِ آرزو

اس گھر میں ہو سکا نہ چراغاں تیرے بغیر

🪔آ جا کہ بجھ چلے ہیں تمناوں کے دئیے

سینے میں دفن ہو گئے ارماں تیرے بغیر

تم کیا گئے کہ لٹ گیا سامانِ زندگی

ہم ہو گئے ہیں بے سر و ساماں تیرے بغیر

جیسے فراقِ گُل میں روئے کوئی عندلیب

یوں ساجدِ حزیں ہے غزل خواں تیرے بغیر

ساجد مہروی