پلک جھپکنے نہ پائی کہ سال بیت گیا
دوبارہ نیند نہ آئی کہ سال بیت گیا
نیا ہے سال نئی بُود و باش کیا معلوم
ہمیں خبر نہیں بھائی کہ سال بیت گیا
کسی نے آنکھ مِلائی نئی توقع پر
ہمیِں بدلتی رُتوں سے ہمیشہ دور رہے
لڑی وہ خود سے لڑائی کہ سال بیت گیا
گزرتی ساعتیں روکے نہ رک سکیں پل بھر
صدا یہ کان میں آئی کہ سال بیت گیا
ہے برقرار جو برسا برس سے قیدِ حیات
ملی نہ اب بھی رہائی کہ سال بیت گیا
نیا برس ہے، نئی منزلیں، نیا ہے سفر
قدم سنبھالنا بھائی کہ سال بیت گیا
کہاں تلک یوں ہی کڑھتے رہو گے تم اطہر
کھلاؤ آج مٹھائی کہ سال بیت گیا
سلمان اطہر
No comments:
Post a Comment