داد پاتا ہوا اس شوخ کا چہرہ چوموں
لوحِ امکان سے اترا ہوا مصرعہ چوموں
مسندِ قیس ملی ہے تو خوشی کے مارے
چومنے ہاتھ کوئی آۓ، تو ماتھا چوموں
آخری اس سے ملاقات ہے اور سوچا ہے
بول اے سبز پری خواب ہے کچھ لمحوں کا
ہونٹ چوموں یا تِرے جسم کو پورا چوموں؟
یک بہ یک تازہ ہوا آئی ہے زِندانوں میں
شاہ زادی! تِری باتیں، تِرا لہجہ چوموں
تیرے ہاتھوں سے لگی بیل بھی سوکھ چلی
زرد ہوتا ہوا ہر شاخ کا پتہ چوموں
کتنی لالچ ہے اسے سامنے پا کر ساحر
حفظ کر لوں اسے کتنا، اسے کتنا چوموں
جہانزیب ساحر
No comments:
Post a Comment