دل گیا ہاتھ سے کیا ہاتھ سے داماں نکلا
کہ تیرے پاؤں کی مانند گریباں نکلا
مر گئے دیکھ کے آثارِ سحر شامِ وصال
دشمنِ جان ستم کشِ رخِ جاناں نکلا
دیکھ بے ہوش مجھے اشک فشاں ہیں احباب
چارۂ جوشِ جنوں خانہ خرابی نہ ہوئی
گھر سمجھتے تھے جسے ہم سو بیاباں نکلا
کس قدر دل میں مِرے جوشِ شکستِ دل ہے
کوئی سالم نہ تِرے تیر کا پیکاں نکلا
بس کہ ہے نقشِ قدم دامِ گرفتاری جاں
ان کے ہر گام پہ اک گنجِ شہیداں نکلا
پھر گئے دل ہی بیک گردشِ چشمِ کافر
دور میں کوئی بھی تیرے نہ مسلماں نکلا
آخری وقت کے وعدہ نے کیا شادئ مرگ
ہمرہِ جاں دلِ مایوس کا ارماں نکلا
نکلے تم غیر کے گھر سے کہ مِری جاں نکلی
جس کو دشوار سمجھتے تھے وہ آساں نکلا
اسماعیل میرٹھی
No comments:
Post a Comment