صورتِ دلبراں
موہن کہتا ہے
بالکونی میں بال بکھرائے مت ہنسا کرو
تمہاری ہنسی کی کھنک کے باعث
زمین کی گردش رُک جاتی ہے
مجسمہ سازوں کی آنکھیں
تمہیں دیکھ کر پتھرا جاتی ہیں
نغمہ ساز تمہاری آواز کی رِدھم کو
سنگیت قرار دینے لگتے ہیں اور
جہاں بھر کے مصور تمہارے لب و عارض
کی نقاشی کی لگن میں جھٹ جاتے ہیں
حسین چندر مُکھی
تمہاری غزالی آنکھوں کی اسیری میں
حواسِ خمسہ کھو کر
میں گھر کا رستہ بھول جاتا ہوں
ماہم ارشد
No comments:
Post a Comment