ہجر کے کچھ حالات تو سن لو

ہجر کے کچھ حالات تو سُن لو

رُودادِ آفات تو سن لو

آئے ہو تو رُک کر جانا

بیٹھ بھی جاؤ بات تو سن لو

کیسے گُزاری کیسے گُزری

ہجر کی ہم نے رات تو سن لو

توڑ بھی دو اب یہ خاموشی

مان بھی جاؤ، بات تو سن لو

دونوں جہاں سے ہوں بیگانہ

ان کے احسانات تو سن لو

نازشِ گُلشن، نازِ بہاراں

کم سے کم اک بات تو سن لو

جلوہ نما وہ آج ہیں پیکاں

کیسی ہے یہ رات تو سن لو

پیکاں چاندپوری

ماسٹر عبدالرشید