جب جب قریب میرے وہ آتا چلا گیا

جب جب قریب میرے وہ آتا چلا گیا

رسماً نظر میں اپنی جھُکاتا چلا گیا

تعبیر اس کی کیا ہے یہ سوچا تلک نہیں 

بس خواب ان کو اپنا بتاتا چلا گیا

جذبے کو میرے دیکھ تو ہمت کی داد دے 

سورج کو میں بھی آنکھ دِکھاتا چلا گیا

اس بے وفا حسیں پہ پڑی پہلی جب نظر

تب سے وہ میرے دل میں سماتا چلا گیا

وہ بزم کے کنارے پہ بیٹھا تھا اس لیے

ہر شخص سے میں ہاتھ ملاتا چلا گیا

شاید رفاقتوں کی ضرورت نہیں اسے

اس واسطے اسے میں بھُلاتا چلا گیا

کاظم تجھے خبر تھی کہ وہ تو ہے بے وفا

کیوں عمر اس کے پیچھے گنواتا چلا گیا

کاظم شیرازی