ہر اشک نیا ہجر مناتے ہوئے گُزرا
ہر لحظہ یہی قصہ سناتے ہوئے گزرا
اثباتِ گُل راز کے ہیں اور بھی آگے
گُلشن سے جو گزرا یہ بتاتے ہوئے گزرا
اجداد شجرکاری میں رکھتے تھے مہارت
میرا بھی سفر پیڑ اُگاتے ہوئے گزرا
یہ لہر کسے زور دِکھانے چلی آئی
یہ دل تو کناروں کو گِراتے ہوئے گزرا
میت پہ مِری بعد میں وہ آئے تو کہنا
جو گزرا تِری راہ پہ آتے ہوئے گزرا
وہ لمحہ ملاقات میں شامل نہ کیا کر
رض وہ جو کبھی آنکھ چُراتے ہوئے گزرا
رضوانہ ملک
No comments:
Post a Comment