رسوا ہوا میں اور میری مات ہو گئی

 رُسوا ہوا میں اور میری مات ہو گئی

برباد ہائے جب سے میری ذات ہو گئی

کرنے گئے تھے ان سے ہر اک بات کا گِلا

پر راستے میں دن ہی ڈھلا رات ہو گئی

ہم دُشمنوں کو ڈُھونڈنے نکلے تھے ایک دن

''اپنے ہی دوستوں سے ملاقات ہو گئی''

اس نے نظر ملا کے مجھے حالِ دل کہا

میرے لیے تو یہ بڑی سوغات ہو گئی

میں نے دُعاؤں کے لیے بس ہاتھ اُٹھا دئیے

چشمِ کرم کی مجھ پہ عنایات ہو گئی

چہرے پہ میرے تھی ہنسی جب وہ جُدا ہوئے

آنکھوں سے میری اشک کی برسات ہو گئی

خوف و ہراس تھا مجھے جس بات ک عقیل

نا چاہتے ہوئے بھی وہی بات ہو گئی

عقیل فاروق