ظلمتِ ہجر میں انوار کا ہونا مشکل
دشت کی ریت پہ گلزار کا ہونا مشکل
عشق کی راہ میں اب رکھ تو دیا دل ہم نے
لیکن اس وصف کے اقرار کا ہونا مشکل
خار ٹیلے ہوں کہ طوفاں ہوں سفر میں اپنے
اب تو اس نہج پہ غمخوار کا ہونا مشکل
تپتے صحرا میں مسافر کا جھُلسنا لازم
کیونکہ اس راہ میں اشجار کا ہونا مشکل
ضبط کرنا ہی فقط اپنا مقدر ٹھہرا
سائر اس عشق کے اظہار کا ہونا مشکل
سائرہ سائر
No comments:
Post a Comment