میں دل سے مان تمہاری ہرایک بات ہی لوں گا

 میں دل سے مان تمہاری ہرایک بات ہی لوں گا

گِلہ تو دور لبوں کو ہی اب میں سی لوں گا

یہ تم سے کس نے کہا ہے مجھے تمہارے بغیر

ذرا سی دیر بھی جینا پڑا تو جی لوں گا

میرا وجود سہارے بھی کیوں تلاشتا ہے

میں خود سے کہہ کے سزا اس گناہ کی لوں گا

تم آؤ، آ کے میرا حال پوچھ لو اک بار

مجھے یقیں ہے کچھ اور دن میں جی لوں گا

تیری جدائی کو سہنا ہی دوست مشکل ہے

وگرنہ اُدھڑے ہوئے زخم سارے سی لوں گا

تم ایک بار بھی کُھل کر یہ بات کہہ دو اگر

نہیں ہوں تم کو گوارا تو زہر پی لوں گا

کرو بس ایک اشارہ کہ مجھ سے الجھن ہے

قسم خدا کی نہیں ایک سانس بھی لوں گا

تمہیں ہے فکر مِری گر تو چھوڑ دو کاشف

میں سانس آخری در پہ تمہارے ہی لوں گا

کاشف رانا