لکھوں غزل کوئی وحشت زدہ اُداسی کی
لگاؤں اس پہ میں کوئی گرہ اداسی کی
وہ ایک بات جسے کہہ کے پرسکون ہے تُو
وہ ایک بات بنی ہے وجہ اداسی کی
کہیں بھی اور اسے چین جو نہیں آتا
بنائے رکھتی ہوں دل میں جگہ اداسی کی
تمہارے درد نے غمگین مجھ کو کر ڈالا
جب اس نے ڈال دی مجھ پر نگہ اداسی کی
میں اپنے کرب کا قصہ بیان کرتی ہوں
سنا تو مجھ کو کہانی ذرا اداسی کی
مچلنے لگتا ہے زخمِ جدائی پھر کوثر
سنائی دیتی ہے جب بھی صدا اداسی کی
حنا کوثر
No comments:
Post a Comment