شان سرکار میں جو نعت نہیں لکھ سکتا

عارفانہ کلام نعتیہ کلام

شانِ سرکارؐ میں جو نعت نہیں لکھ سکتا

اس قلم سے میں کوئی بات نہیں لکھ سکتا

منتہیٰ جسﷺ کی بلندی کا سنگِ پا نہ ہُوا

مثلِ آدم تو میں وہ ذات نہیں لکھ سکتا

جس کی انگلی نے کئے چاند کے ٹکڑے ٹکڑے

کیا اسے مظہرِ عجابات نہیں لکھ سکتا

اپنی ترویج سے قائل کئے جاہل اعراب

ایسے عالم کے کمالات نہیں لکھ سکتا

چند اشعار سے کیا ہو حقِ مدحت بے باق

اپنے کامل میں خیالات نہیں لکھ سکتا

اب تُو حسان ہے سرکارِؐ دوعالم کا کمیل

کوئی منکر تیری اوقات نہیں لکھ سکتا

کمیل جعفری