جو نعت میں بنے وہ زاویے بھی روئے تھے

عارفانہ کلام نعتیہ کلام

 جو نعت میں بنے وہ زاویے بھی روئے تھے

تخیلات کے سب دائرے بھی روئے تھے

میں جب بھی سوچتا ہوں، کپکپا سا جاتا ہوں

حضور آپﷺ مِرے واسطے بھی روئے تھے

میں ایسے رو پڑا تھا ان کے در سے دوری پر

کہ میرے ساتھ سبھی فاصلے بھی روئے تھے

درودِ پاکﷺ کو بین السطور میں نے لکھا

سو مجھ سے ہو کے خفا حاشیے بھی روئے تھے

نمی سی آ گئی کاغذ پہ نعتﷺ لکھتے سمے

کہ بس اویس نہیں، قافیے بھی روئے تھے

اویس رشید