کہیں یہ شوق تمنا کا امتحان نہ ہو

 کہیں یہ شوق تمنا کا امتحان نہ ہو

کہیں وہ شخص میری راہ کی چٹان نہ ہو

چہک رہا ہے چمن میں جو صورتِ بلبل

اسی کے سینے میں پوشیدہ میری جان نہ ہو

نہ ہم نوا ہو کوئی،۔ اور نہ ہم زباں میرا

میں چاہتی ہوں کوئی مجھ پہ مہربان نہ ہو

وہی حیات ہے، جو مشکلوں میں قید رہے

وہی سفر ہے سفر جس میں سائبان نہ ہو

ہر ایک راہ کو میں خوشدلی سے طے کر لوں

یہ شرط ہے کہ تعاقب میں آسمان نہ ہو

میں راہِ عشق میں مٹ جاؤں غم نہیں ہے مجھے

بس آرزو ہے کہ میرا کوئی نشان نہ ہو

میں چاہتی ہوں کہ پرواز تو کروں بشریٰ

پر اس کے شہر سے اونچی میری اڑان نہ ہو

بشریٰ زبیری