دلِ آزار کو سینے میں چھپائے رکھنا
یہ بھی کیا کم ہے مراسم کو نبھائے رکھنا
رْخِ تاباں پہ وہ گیسو کا گِرانا تیرا
پھر سرِ شام چراغوں کو جلائے رکھنا
سامنے آ کے اشاروں میں اشارے کرنا
بات کرنا بھی تو ہونٹوں کو دبائے رکھنا
پرتوِ خْور میں فنا ہونے کی تعلیم نہ دے
میرے چہرے پہ تْو زْلفوں کے یہ سائے رکھنا
چشمِ تر میں یہی ایک خزانہ ہی تو ہے
ہو جو مْمکن تو یہ موتی ہی بچائے رکھنا
ہم ملیں یا نہ ملیں اب کے مقّدر جاویدؔ
ایک اْمید کی لو دل میں جگائے رکھنا
سردار جاوید خان
No comments:
Post a Comment