زندگی ہم تیری بے رخی سے ڈر گئے

 زندگی ہم تیری بے رُخی سے ڈر گئے

اس قدر کہ مرے بغیر موت سے گزر گئے

دل بوجھل ہے، فضا سوگوار ہے

ابھی کہاں آنکھوں سے دُکھ کے منظر گئے

سوگواری ہے، اداسی ہے اس قدر

کہ ہم خود سے بھی مُکر گئے

کیا حسین لوگ تھےاور اس قدر ستم

پل بھرمیں ہواؤں میں بکھر گئے

کیا آرزوئیں ہوں گی، کیا خواب ہوں گے

بے بس آنکھوں میں جو تڑپ کے مر گئے

جانے کون سے بھید چھپے ہیں اُس پار

پلٹ کر نہ آئے کبھی جو اُس نگر گئے

رقص کرتی موت سے کوئی پوچھنا

ان لوگوں کو جانا تھا کہاں اور وہ کدھر گئے

رضوانہ انجم