بازار سے لے کر زر احساس نہ اۤئے

 بازار سے لے کر زرِ احساس نہ اۤئے

ہم زود ہوس تھے سو تِرے پاس نہ اۤئے

جانے یہ دعا تھی کہ بچھڑنے کی سزا تھی

ماں کہتی تھی؛ پردیس تجھے راس نہ اۤئے

کر جائیں اگر اتنا ہنر بھی تو بہت ہے

کوشش سے بھی اۤنسو سرِ قرطاس نہ اۤئے

دریا سے کہو رہن ہی رکھے مِری اۤنکھیں

مشکیزے میں ممکن ہے مری پیاس نہ اۤئے

اے زرد رُتوں میں مِرے احساس کے ساتھی

چہرے پہ تِرے رنگِ املتاس نہ اۤئے

احباب بھی ملنے سے گریزاں رہیں طالب

موسم کوئی اس درجہ بھی حساس نہ اۤئے

طالب حسین طالب