خطِ تقسيم جو انسان نے زمين پہ کھينچی
ميری تذليل کا آغاز اسی دن سے ہوا
کتنی چہروں سے تقدس کی نقابيں نوچوں
ميری بربادی کا سامان بہم جن سے ہوا
رسمِ قربانی کا آغاز ہوا ہے مجھ سے
کتنے خونخوار حکايات کی سولی پہ چڑھی
جھوٹے معبودوں کي مطلوب رہی خوشنودی
ميں اپالو، کبھی عشتار کے معبد ميں لُٹی
ميں سُلگتے ہوئے صحراؤں ميں دفنائی گئی
اور کبھی نيل کی طغيانی کا نذرانہ بنی
مجھ کو بانٹا بھی گيا مالِ غنيمت کی طرح
مرد مفتوح ہوئے تو جنگ کا جرمانہ بنی
کرۂ ارض کے تاريک سماجوں کی قسم
کتنے تمغوں سے نوازا مجھے شب زادوں نے
جھوٹی عظمت کے فلک بوس مناروں کی قسم
کتنی ديواروں ميں چُنوايا ہے جلادوں نے
مشتاق علی شان
No comments:
Post a Comment