سایا ملا کہیں نہ کوئی مہرباں مجھے
لایا مِرے شکستہ مقدر کہاں مجھے
جس کے لیے حیات کو قربان کر دیا
اب کے سمجھ رہا ہے وہی رائیگاں مجھے
ہجرت تمہارے شہر سے ممکن نہ کر سکوں
مجرم کہے اگرچہ یہ سارا جہاں مجھے
آئی شکن جبیں پہ یاروں کو کس لیے
دیکھا جو ایک پل ذرا سا شادماں مجھے
اے موجِ غم! ڈرا نہ مِرے عزم کو ذرا
سو بار کر چکا ہے کوئی امتحاں مجھے
جنبش میں لب کو دے نہ سکا تھا کوئی سبب
دنیا سمجھنے لگ گئی اک بے زباں مجھے
میں کیا گِلہ زمانے سے عارف یہاں کروں
برباد کر چکا ہے مِرا پاسباں مجھے
جاوید عارف
No comments:
Post a Comment