خدا بذریعہ نظم
خدا کو سمجھنا بہت آسان ہے
بس ایک چھوٹی سی نظم لکھیے
میں نے ایک نظم تخلیق کی
پھر اسے پوسٹ کر دیا
پھر اس کے لائکس اور کمنٹس کو
احتیاط اور جذبات سے دیکھتا رہا
جس کو میری نظم اچھی لگی
وہ مجھے اچھا لگنے لگا
جس نے میری نظم کو اگنور کیا یا برا کہا
مجھے اس سے نفرت ہو گئی
خدا اور ہمارا تعلق نظم جیسا ہے
ہم خدا کی تخلیق کردہ نظمیں ہیں
جو ہمارا خیال رکھے گا ہمیں پیار دے گا
وہ خدا کو اچھا لگے گا
جو خدا کی تخلیق کردہ نظموں کو تکلیف دے گا
خدا اسے بے سکون رکھے گا
آصف نواز
No comments:
Post a Comment