عارفانہ کلام نعتیہ کلام
میں نے جب نعت کے اشعار سے باتیں کی ہیں
یوں لگا احمدِﷺ مختار سے باتیں کی ہیں
اے مِرے پیارے تخیل تِرے صدقے جاؤں
تُو نے اکثر مِرے سرکارؐ سے باتیں کی ہیں
اس کی تعریف میں الفاط بھی کم پڑ جائیں
جس کے اک سجدے نے تلوار سے باتیں کی ہیں
عشقِ سرکارﷺ میں یہ حال ہوا ہے اکثر
میں نے گھر کے در و دیوار سے باتیں کی ہیں
کیوں نہ وہ رحمتِ عالم ہوں زمانے کہ لیے
جس نے کردار میں سنسار سے باتیں کی ہیں
راہی بستوی
No comments:
Post a Comment