عارفانہ کلام منقبت سلام
نرالی ہے جہاں بھر میں وفا عباسؑ غازی کی
وفا کو ناز ہے جس پر وفا عباسؑ غازی کی
برادر ہو کے بھی حسنینؑ کو کہتے رہے آقاؐ
برادر نہ کہا، یہ تھی حیا عباسؑ غازی کی
کبھی اشعار کی صورت کبھی دیدار کی صورت
میری کُٹیا پہ رہتی ہے عطا عباسؑ غازی کی
مِرے دل کی مِرے فن سے یہ برسوں سے تھی فرمائش
کہ لاؤ منقبت بحرِ ثنا عباسؑ غازی کی
بنا لوں گا اسے سُرمہ میں اپنی آنکھ کا شائق
اگر مل جائے مجھ کو خاکِ پا عباسؑ غازی کی
امتیاز احمد شائق
No comments:
Post a Comment