بخشش کا پندار ہے شان انت فیہم

 عارفانہ کلام حمد نعت منقبت

بخشش کا پندار ہے، شانِ اَنْتَؐ فِیْہِم

کیسی رحمت بار ہے، شانِ انت فیہم

ہم بھی نذر غیظِ نہایت ہی ہونے تھے

لیکن اک دیوار ہے، شانِ انتؐ فیہِم

دلجو، فرحت خیز و تقرب بخشِ امت

قُربِ صد اظہار ہے، شانِ انتؐ فیہِم

وردِ طرب انگیز و علاجِ کربِ باطن

ماحئ ہر آزار ہے، شانِ انتؐ فیہِم

خیرِ ابد آثار و خیارِ عفوِ تامہﷺ

اُمت کی غمخوار ہے، شانِ انتؐ فیہِم

شوکت، رفعت اور نشانِ اوجِ عنایت

طلعت کا مینار ہے، شانِ انتِ فیہِم

ایک بہارِ بے امکانِ خزاں ہے وہ مقصود

ایک گُلِ بے خار ہے، شانِ انتؐ فیہِم

مقصود علی شاہ