خود کوزہ گر و خود گلِ کوزہ بنے پھرئیے
سرکار کی مرضی ہے کہ کب کیا بنے پھرئیے
اندھوں کا نگر ہے یہ مِرے آئینہ تمثال
اس شہر میں کیا آئینہ خانہ بنے پھرئیے
کیوں کوئی ٹھکانہ کرے تاریک مکاں میں
اچھا ہے کسی شہر کا رستہ بنے پھرئیے
میں ڈر بھی گئی، مر بھی گئی پیاس لبوں پہ
اب جائیے اور دشت میں دریا بنے پھرئیے
اب ہم سے مروّت میں بھی یہ کام نہ ہو گا
کیوں اس کی گلی جا کے تماشا بنے پھرئیے
فرح گوندل
No comments:
Post a Comment