ماہِ صیام
تسبیح کے دن اور مناجات کی راتیں
ہیں رحمتِ باری سے ملاقات کی راتیں
بن جائیں کاش حشر میں بخشش کا وسیلہ
یہ ذوقِ تلاوت، یہ عبادات کی راتیں
اس ماہ میں اللہ نے قرآن دیا ہے
یہ رب کے ہیں انعام کی سوغات کی راتیں
برکت کے فضائل کے فضیلت کے ہیں یہ دن
یہ خیر کی رحمت کی یہ برکات کی راتیں
شیزا مہِ رمضاں کے میں اوصاف بتاؤں
ہیں فضل کے دن اور عنایات کی راتیں
شزا جلالپوری
شیزا جلالپوری
No comments:
Post a Comment