غبار راہ سے ان کی یہ ساری داستاں روشن

 عارفانہ کلام حمد نعت منقبت

غبارِ راہ سے انﷺ کی، یہ ساری داستاں روشن 

جبیں کے شبنمی قطرے، ستارے کہکشاں روشن

مہکتے باغ جنت کے انہیﷺ کی چند سانسیں ہیں

انہیﷺ کی مسکراہٹ سے بہشتی وادیاں روشن 

کہ روشن انﷺ کے آنے سے ہوئے سائے جہالت کے

کہ انﷺ کا آخری خطبہ ہے حکمت کا بیاں روشن

کہ روشن رات دن انﷺکے، کہ روشن صبحیں شامیں ہیں

کہ روشن انﷺکا ہر لمحہ، ہوا پورا زماں  روشن

کہ روشن  انﷺ کی ہجرت ہے کہ یثرب اب منور ہے

کہ روشن انﷺ کے ساتھی ہیں کہ انﷺ کی یاریاں روشن

کہ انﷺ کے رخ کی تابانی سے روشن کائیناتیں ہیں

کہ انﷺ کی زلفِ مُشکیں سے فلک کا سائباں روشن 

راشد ڈوگر