مثلِ طائر ہیں میرے خیال و گماں
میری پرواز کا نام ہے لا مکاں
موج در موج ایک بحر ہے بیکراں
مجھ کو پہنچا دیا میرے دل نے کہاں
بے خبر ہوں میں آغاز و انجام سے
چار سُو ہے کوئی سیلِ آبِ رواں
میں بھی اس بحر کی موجِ سرگشتہ ہوں
ہے اسی کی عطا میرا نام و نشاں
محوِ حیرت ہوں لیکن یہ احساس ہے
مل گئے مجھ کو آزادئ جسم و جاں
سندھی کلام؛ سچل سرمست
خواجہ عبدالوہاب فاروقی
اردو ترجمہ؛ آفاق صدیقی
No comments:
Post a Comment