ان سے ملے تھے شہرِ محبت میں ایک دن
دیکھا تھا ان نگاہوں کو حسرت میں ایک دن
اُس آدمی کو دیکھ کے ڈر سا لگا مجھے
آیا تھا جو گزار کے فُرقت میں ایک دن
چاہت زمانے بھر کی نگاہوں میں کیوں نہ ہو
آیا ہوں میں گزار کے جنت میں ایک دن
وہ لوٹ کر نہ آیا کبھی پھر ہمارے شہر
مانگا تھا جس نے ہم سے محبت میں ، ایک دن
اس وعدے کو نبھانے میں اک عمر لگ گئی
ان سے کیا تھا ہم نے جو عجلت میں ایک دن
راسخ میرے نصیب میں دو دن کی زیست تھی
آنے میں آیک دن ہوا، رخصت میں ایک دن
راسخ شاہد
No comments:
Post a Comment