ہجومِ گردشِ دوراں ہے کیا غزل کہیے
دل و دماغ پریشاں ہے کیا غزل کہیے
یہ کس نے آگ لگا دی گُلوں کے دامن میں
دھواں دھواں سا گلستاں ہے کیا غزل کہیے
جلائے جاتے ہیں اب گھر میں آنسوؤں کے چراغ
عجیب جشن چراغاں ہے کیا غزل کہیے
یہ سیٹیوں کی صدا رات کا یہ سناٹا
سکوتِ شہرِ خموشاں ہے کیا غزل کہیے
گِھرا ہوا ہے چمن نرغۂ سیاست میں
بہار شعلۂ بہ داماں ہے کیا غزل کہیے
جو راز ملک میں امن و اماں کی بات کرے
اب اس کے واسطے زِنداں ہے کیا غزل کہیے
راز الہ آبادی
No comments:
Post a Comment