ہر سو ہے تیرا نام ویسے بھی

 ہر سُو ہے تیرا نام ویسے بھی

چل رہا ہے نظام ویسے بھی

تُو اگر آئے تو نوازش ہے

ورنہ چلتا ہے کام ویسے بھی

اک تِری یاد سے پریشاں ہوں

دوسرا وقتِ شام ویسے بھی

ہمیں ان کی نظر میں رہنا ہے

سو نہیں خاص و عام ویسے بھی

موت سے کیا ڈریں کہ ہیں در پیش

مُشکلیں ہر دو گام ویسے بھی

قصۂ غم سنائیں تو کیونکر

حجتیں ہیں تمام ویسے بھی

کچھ ہمیں شوقِ دل لگی تھا کچھ

رہے وہ لبِ بام ویسے بھی

کچھ لگن سے خرید لوں گا انہیں

کچھ مناسب ہیں دام ویسے بھی

زرک صقر