بشر اپنے نگر کا ڈھونڈتا ہوں
میں سایہ اِک شجر کا ڈھونڈتا ہوں
یہاں چھائی ہوئی ہے رات کالی
نشاں کوئی سَحَر کا ڈھونڈتا ہوں
اندھیرا جو اجالے میں بدل دے
نظارہ اس قمر کا ڈھونڈتا ہوں
کہاں جمشید، دار و سکندر؟
حوالہ ان کے سر کا ڈھونڈتا ہوں
ریاضِ دہر کی رونق محبت
ثمر اس نخلِ تر کا ڈھونڈتا ہوں
خوشی کی اِک خبر اخبار میں ہوں
علاج اس دردِ سر کا ڈھونڈتا ہوں
جنوں ہے، آگہی ہے، کیا ہے ثاقب
پتہ اپنے ہی گھر کا ڈھونڈتا ہوں
عباس علی شاہ ثاقب
No comments:
Post a Comment