عمرِ رفتہ میں تیرے ہاتھ بھی کیا آیا ہوں
دن بِتانے تھے مگر خود کو بِتا آیا ہوں
کل دے آؤں گا جا کر اسے اپنی بینائی بھی
آنکھ دیوار پہ فی الحال بنا آیا ہوں
اپنے آنسو بھی کیے نظر کسی پانی کے
پیاس دریا کی بحر طور بجھا آیا ہوں
دھول بھی ایسے قرینے سے اڑائی ہے کہ میں
ایک مرتے ہوئے رستے کو بچا آیا ہوں
اب پریشاں ہوں کہ تعبیر کا جانے کیا ہو
بند کانوں کو نئے خواب سنا آیا ہوں
میرے پاؤں ہی نہیں قید سے باہر آئے
اپنی زنجیر کو بھی کر کے رہا آیا ہوں
جانے کس گھاٹ لگے عمر کی کشتی احمد
خود کو سُوکھے ہوئے دریا میں بہا آیا ہوں
آفتاب احمد
No comments:
Post a Comment