چمن ہے بہاریں ہیں گلباریاں ہیں

 چمن ہے، بہاریں ہیں، گلباریاں ہیں​

گھٹا ہے، پھواریں ہیں، میخواریاں ہیں​

ستم کوشیاں ہیں، جفا کاریاں ہیں​

یہ کس کے مٹانے کی تیاریاں ہیں​

بتو! تم خدا جانے کیسے خدا ہو​

کہ ستاریاں ہیں، نہ غفاریاں ہیں

​جو اب کوئی پُرساں نہیں ہے تو کیا غم​

غمِ دوست ہے، اور غم خواریاں ہیں​

اگر تم خداوندِ عالم نہیں ہو​

تو عالم میں کس کی پرستاریاں ہیں​

اب آنکھیں نہیں جاگتی تو نہ جاگیں​

کہ اب روح ہے اور بیداریاں ہیں​

آزاد انصاری