دیکھنے والی نگاہوں پہ عیاں ہوتے ہوئے
ہم تِرے پیار کے سائے میں جواں ہوتے ہوئے
شب گزاری ہے کئی بار سڑک پر یونہی
ساتھ اک جاننے والے کا مکاں ہوتے ہوئے
ابھی آغازٍ محبت ہے ذرا حوصلہ رکھ
کبھی دیکھا نہیں دریا کو رواں ہوتے ہوئے
میں کسی اور کی خوشیوں کا سبب بنتا ہوا
تم کسی اور کے چُولہے کا دھواں ہوتے ہوئے
خرم آفاق بُرا اس کو تو کہتے ہو مگر
تم بھی موجود یہاں کب ہو یہاں ہوتے ہوئے
خرم آفاق
No comments:
Post a Comment