پیغام دے رہے ہیں خدا کا غدیر میں
مولا کا ہاتھ تھام کے مولا غدیر میں
پہنچی صدائے نامِ علی عرش سے پرے
مولا کا نام اس طرح گونجا غدیر میں
ہے بعد میرے کون سہارا بتا دیا
میرے نبیؐ نے راز یہ کھولا غدیر میں
جانے خدا سے کتنی بلندی ملی ہے جب
دستِ علی نبی نے اٹھایا غدیر میں
نامِ علی نبی کی زباں پر جو آ گیا
ہر لب پہ یا علی ہی پھر آیا غدیر
مولا نبی و مولا علی آج ہیں یہاں
دنیا کا حسن آج ہے سارا غدیر میں
منزل کو پا سکے گا نہ باسط کبھی بھی وہ
راہِ نجات آ کے جو بھولا غدیر میں
باسط علی حیدری
No comments:
Post a Comment