جز ترے ساتھ ہمارا نہیں دیتا کوئی

 جُز تِرے ساتھ ہمارا نہیں دیتا کوئی

میں نہ کہتا تھا کہ یارا نہیں دیتا کوئی

مانگنے والے کو خیرات تو مل جاتی ہے

اپنی قسمت کا ستارہ نہیں دیتا کوئی

لوگ نظارے کو ساحل سے کھڑے تکتے ہیں

ڈوبنے والے سہارہ نہیں دیتا کوئی

اب نہ وہ غمزہ و غماز، نہ عشوہ، نہ ادا

اب محبت کا اشارہ نہیں دیتا کوئی

آنکھ بہتی ہے تو بہتی ہی چلی جاتی ہے

دل کے دریا کو کنارہ نہیں دیتا کوئی

درد اور پیار کو مل بانٹ کے جی لیتے ہیں

یہ اثاثہ کبھی سارا نہیں دیتا کوئی

تم منافع میں شراکت کے طلبگار، یہاں

اپنے حصے کا خسارہ نہیں دیتا کوئی

جسم سے روح تلک اب کے اتر جاؤ عدید

ایسا موقع تو دوبارہ نہیں دیتا کوئی

سید عدید