جلا رہے ہیں زندگی سے یہ نصیب کا چراغ

 جلا رہے ہیں زندگی سے یہ نصیب کا چراغ

ہوائے تند! رُک، بُجھا نہ تو غریب کا چراغ

درِ رسولﷺ پر جھکا ہوا ہوں پھر سے کبریا

عطا ہو خاک زاد کو تِرے حبیبﷺ کا چراغ

جہاں میں جس نے روشنی کو زاویے کئی دئیے

کہ اس جہاں میں کیوں بُجھے گا اس ادیب کا چراغ

تم اپنی اپنی ذات سے الجھ کے ہو گئے فنا

نشاں مگر ہے عزم کا یہاں حسیب کا چراغ

اتا، پتا کوئی تو ان کو خضر کا عطا کرے

جو لے کے چل رہے ہیں ہاتھ میں نقیب کا چراغ

شبِ فراق، جاں مِری لیے بغیر کب ٹلی 

نہ طاہر اب کے جل سکا مِرے طبیب کا چراغ

طاہر حنفی