عشق ہونا تو تھا جوانی میں
کس نے ترمیم کی کہانی میں
ہم کو رکھا گیا نشانے پر
زخم بھیجے گئے نشانی میں
میں کہانی میں تم پہ مرتا تھا
جھوٹ ہوتا ہے سب کہانی میں
اب دوبارہ فروخت مشکل ہے
ہم خریدے گئے گرانی میں
ہم کو رکھا گیا نشانے پر
زخم بھیجے گئے نشانی میں
ایک برگد کے پاس آ بیٹھے
بوڑھے ہونے لگے جوانی میں
شاہزادے کا بن میں ڈیرہ ہے
تخت خالی ہے راجدھانی میں
احسان الحق مظہر
No comments:
Post a Comment