چاہوں بھی تو کیسے کوئی نعت لکھوں

عارفانہ کلام نعتیہ کلام

چاہوں بھی تو کیسے کوئی نعت لکھوں

مدحت میں سرکارؐ کے کوئی بات لکھوں

کوئی طاہر و طیب لفظ ملے تو نعت لکھوں

قلم ایسا جو زم زم سے دھلے تو نعت لکھوں

کاپی کا کوئی پاکیزہ پنا کھلے تو نعت لکھوں

مدحت میں کوئی شعر ڈھلے تو نعت لکھوں

چاہوں بھی تو کیسے کوئی نعت لکھوں

مدحت میں سرکارؐ کے کوئی بات لکھوں

خیالوں میں کہاں ایسی طہارت کہ نعت لکھوں

سوچوں میں کہاں ایسی عبارت کہ نعت لکھوں

خوابوں میں کہاں ایسی زیارت کہ نعت لکھوں

ایماں میں کہاں ایسی حرارت کہ نعت لکھوں

چاہوں بھی تو کیسے کوئی نعت لکھوں

مدحت میں سرکارؐ کے کوئی بات لکھوں

آنکھوں سے میرے پردہ ہٹے تو نعت لکھوں

پراگندہ ذہن کی تاریکی چھٹے تو نعت لکھوں

حُبِ رُسلؐ میں کچھ وقت کٹے تو نعت لکھوں

گناہوں کا ذرا بوجھ گھٹے تو نعت لکھوں

چاہوں بھی تو کیسے کوئی نعت لکھوں

مدحت میں سرکارِؐ کے کوئی بات لکھوں

دیکھ کے آؤں مدینہ تو نعت لکھوں

سیکھ لوں لکھنے قرینہ تو نعت لکھوں

قلب کو ہو عطا چشم بینا تو نعت لکھوں

کُھلےعشق محمدؐ میں سینہ تو نعت لکھوں

چاہوں بھی تو کیسے کوئی نعت لکھوں

مدحت میں سرکارؐ کے کوئی بات لکھوں

وسیم احمد خاکی