راہ کے خوف کو یوں دل سے نکالے ہوئے ہیں

راہ کے خوف کو یوں دل سے نکالے ہوئے ہیں

خُود کلامی ہی ہم خُود کو سنبھالے ہوئے ہیں

وقت اچھا تھا تو احباب نے گھیرا ہُوا تھا

حال بگڑا ہے تو ہم اپنے حوالے ہوئے ہیں

کیسے دیکھیں گے بھلا آپ کو بدلا ہوا ہم

سو، ملاقات کو آئندہ پہ ٹالے ہوئے ہیں

ہیں جہاں لوگ زر و مال و مناصب کے اسیر

ہم وہاں پیار کے سکوں کو اُچھالے ہوئے ہیں

مُدتوں حُسن کی تعریف کو ڈھونڈا ہم نے

تم کہیں جا کے تمہیں دیکھنے والے ہوئے ہیں

نیند میں بھی میں اسے ڈھونڈنے نکلا ہوں کہیں

رات یونہی تو نہیں پاؤں میں چھالے ہوئے ہیں

روشنی تھی ہی نہیں خانۂ ویراں میں میرے

آپ آئے ہیں تو اس گھر میں اُجالے ہوئے ہیں

سلمان صدیقی